حاجات تهمكصحة وجمال

تعرفي علي فوائد زبدة الشيا للبشرة

تهتم العديد من السيدات والفتيات بمنتجات البشرة، حيث دائما ما تدفع حواء أي مبلغ من أجل الحصول على منتج قوي ونظيف.
في هذا السياق تقول لمياء سعد، خبيرة تجميل، إن زبدة “الشيا” يمكنها أن تصبح بديلا لكل هذه المنتجات، خصوصا وأنها انتشرت في الفترة الأخيرة، وأصبحت تدخل في أغلب منتجات البشرة، لما لها من فوائد كثيره جدا للبشرة والجسم، لاحتوائها على فيتامينات وأحماض دهنية مفيدة جدا، منها فيتامين A وفيتامين E وفيتامين D و F، وأحماض أمينية أساسية، وكمان مواد مضادة للأكسدة اللي بتحمي الجلد من الضرر وبتمنع التجاعيد وبتخلي الجلد صحي.
*فوائد زبدة الشيا للبشرة:
1- تعتبر مرطب طبيعي للبشرة، حيث تجعلها ناعمة وتحميها من التجاعيد والخطوط الدقيقة، لأنها بتحفز إنتاج الكولاجين الذي يحافظ على نضارة وشباب الجلد.
2- تنعم وتفتح المناطق الخشنة في الجسم مثل الكوعين والركبتين.
3- ممكن استخدامها للجسم كله كمرطب للجسم.
4- تساعد في تقشير الجسم وتخلصه من الجلد الميت، وتجعل البشرة والجسم صحي وناعم.
5- تعالج حب الشباب والندبات والبقع التي يسببها حب الشباب، ولها خصائص مضادة للالتهابات.
6- مفيدة جدا لعلاج حروق الشمس، كما تحمي البشرة من أضرار أشعة الشمس، وتعالج الهالات السوداء.
7- تساعد في علاج علامات تمدد الجلد.
8- لها نتيجة هائلة على تشققات الشفاة وتجعلها ناعمة لأنها تعتبر بلسم طبيعي.
9- مفيدة أيضا للأطفال “لو دهنتي بشرة الطفل بيها هتخليها دايما رطبة وناعمة”.
* وصفة لتنعيم البشرة:
تستخدمي بس زبدة الشيا من غير أي أضافات تدلكي بيها بشرتك كويس لحد ما البشرة تتشربها خالص وتكرري ده يومياً قبل ما تنامي هتلاقي بشرتك بقت ناعمة وطرية جداً.

*وصفة لتفتيح البشرة:

أخلطي زبدة الشيا مع شوية زيت زيتون و دلكي بيها البشرة لمدة خمس دقايق وبعد كده تمسحي بشرتك بحتة قطن بس من غير ما تغسليها.

* وصفة لتقشير الجسم وتبييضه وتنعيمه:

المكونات:

معلقة زبدة الشيا.

معلقة زبدة الفسدق.

معلقة زيت جوز الهند.

معلقة زيت البرقوق.

معلقة سكر ناعم.

معلقة زيت اللوز.

معلقة نشا.

كام نقطة زيت اللافندر.

الزيوت كلها نجيبها من عند العطار.

طريقة التحضير و الاستخدام:

هنسيح الزبدة في حمام مية وبعدين ضيفي باقي المكونات ماعدا السكر والنشا وزيت اللافندر و أخلطيهم كويس مع بعض, وبعدين ضيفي السكر والنشا وزيت اللافندر و أخلطي كل المكونات, و أفركي جسمك بالخليط في حركات دائرية, الوصفة دي بتخلص الجسم من الجلد الميت وبتنعمه وتبييضه و كمان بتخلي ريحته حلوة بسبب زيت اللافندر.

 

*لعلاج الهالات السودا:

خدي كمية صغيرة جداً من زبدة الشيا بحجم رأس الدبوس و أفركيها بين صوابعك عشان تدوبيها شوية وبعدين حطيها تحت العين بطريقة الطبطبة عشان المنطقة دي حساسة ومحتاجة حركات بسيطة بس وسيبيها ربع ساعة و بعدين أمسحي تحت العين بحتة قطنة و بردوا المسح بطريقة الطبطبة يكون بالراحة خالص.

 

* وصفة لعمل صنفرة للبشرة:

أخلطي معلقة كبيرة من الملح الخشن مع كمية مناسبة من زبدة الشيا, وبعدين حطي الخليط على بشرتك و سيبيه خمس دقايق وبعدين أغسليه بمية دافية, و ممكن تزودي كمية الخلطة شوية وتفركي بيها جسمك كله كصنفرة للجسم.

 

*وصفة لعلاج تشققات الجسم والخطوط البيضا وعلامات تمدد الجلد بعد الحمل والولادة:

المكونات:

3 معالق كبيرة زبدة شيا.

وشوية زيت زيتون.

بنسبة 20% فيتامين E و C مع بعض.

طريقة التحضير و الاستخدام:

أخلطي المكونات مع بعض كويس وحطيهم في علبة نضيفة واستخدميهم يوميا في تدليك الجسم ومكان التشققات وعلامات التمدد, وممكن ندهن زبدة الشيا لوحدها لعلاج علامات التمدد والخطوط البيضا, ندهن بيها الجلد كويس في حركات دائرية مرتين في اليوم مره الصبح ومره بالليل يوميا.

*علاج تشققات الأيدين والرجلين وتنعيمهم وتبييضهم:

دوبي معلقتين كبار زبدة شيا وبعدين حطي أيدك و رجلك في مية دافية لمدة من 10 لـ 20 دقيقة و بعدين نشفيهم كويس و أدهني إيدك ورجلك بالزبدة و ألبسي شراب في رجلك و جوانتي في أيدك يكونوا قطن, أعملي الوصفة دي يومياً قبل ما تنامي و نامي بالشراب والجوانتي لحد الصبح.

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى