عالم غبي

عالم غبي

كتبت – لبنى عطا:

عالم غبى

رغم اللى سكنوه اذكيا

مات واتولد

يعشق خناق الأنبيا

صدى الندى

شك ف جميع الاوليا

تركت سدى

وعلى المواكب اغشيا

يااااااااه ع القدر

لما يخبط بالثقة

على جفن مال قبل الخريف

على جسر مات

علشان ضعيف

على حرب شتت كل صيف

عالم بدائى

رغم كل تحضره

فاكر جميع الخلق نار

مع انه فاقد الذاكرة

برجل رسم زواياه

بضحكه معبرة

رفضت تجاوب ع السبب

رغم انها هى

اللى طارحة الاسئلة

عالم كشارع ضله

بايت ع الرصيف

يبكى كشجرة

بتتسقى وسكى

فتطرح سكرانين

م الخوف

وتهرب تدخل الجنه

وسبعة تطوف

فعالم وحده مين غنى

ومين اللى غداه ملتوف