شعر| ابتسامتك أحلى منك

شعر| ابتسامتك أحلى منك

كتب – مصطفى جمعة:

ابتسامتك احلى منك

وانتى اجمل م الجمال

قلبى مدمن نظره منك

وانتى ادمانك حلال

فيكى من حوا الامومة

فيكى من آسيا الايمان

فيكى م كليوباترا قوه

فيكى من ايزيس حنان

فيكى حب ف زمنى مات

حب من ايام زمان

كلمه سر

نفسى كل شريط حياتى

لو يمر

تبقى كل لحظه عندى

كل مر

يحلى لما تكونى جنبى

كل شر

فيا يرحل لما تيجى

كلمه تانى

نفسى تبقى حدود مكانى

م الشمال اسلوب حياتك

والجنوب يبقى ابتسامتك

شرقى يبقا دعا ف صلاتك

غربى يبقى ابنى بملامحك

يبقى سور حبى حمايتك

واما اوصل باب حدودك

كلمه السر لدخوله

هى حبك