رثاء ضحايا مركب رشيد لجمال محمد منصور

رثاء ضحايا مركب رشيد لجمال محمد منصور

“مرثية الي زهرة الشباب … ضحايا مركب الهجره” ملفوفة يا أبنوب بوشاح السواد والحـزن مرسوم علي كل باب علي زهرة شبابك إللي راح ضاع العمر، وضاع الحلم في اليم وعـــروس النيل عادت وعايـزة عريــس البحر وبحار سفينة المـوت قبض المهـر.. بدون عقد وصار شبابنا طُعم لسمك القــرش والمصري ما عاد يسـوي قـــرش والمــوت بقي لينا غطــا وفـــرش ف البحـــــر وف الجــــو والبــــر ونزيف الإسفلت متسلفت بدم الشعب أحاسب ميــن ؟؟ ومين المسئـول ؟؟

فاكرين ممدوح إسماعيل صاحب عبارة السـلام ألف ماتــوا ولسه عايش ف أمان ثورتيـن ف سنتين ولسه الحلم ف التابوت معزور شبابك يا مصر لما يروح برجليه للموت هانت عليكي أولادك يا مصر ولا إنتٍ هنتي على أولادك يا مصــر.

الوسوم