إلى الخال الأبنودي

إلى الخال الأبنودي الشاعر عبدالله الهواري

الشاعر عبد الله الهواري

فاكرينك يا غنوة حلوة من الزمن اللي فات

فاكرين حاجاتك وحكاياتك والغناوي والجوابات

تحكي وتقول ف حكاوي

مواويل بترقصها غناوي

على جيتار لامبو

فاكرين كل حاجة

والقاعد بيحكى للي جمبه

وعدى النهار

وماكانش فاضي

والمغربية جات

بشكلها الكئيب اللئيم

والكون مش راضي

وهبوا الثوار

والثورة راحت منها الحاجات

وانت رحلت

وحصلت حليم

اللي كان الحلم مزروع ف صوته

واللي يغني من خيبته

يبقى ذنبه على جنبه

يروح ما ياجي

والواد حراجي

ما بيبعتش جواباتك

وفاطمة لاخرى ما بتقراهاش

الحالة كوبيا

السد راح إثيوبيا

وجزر في المالح ما وصلنهاش

كل يوم في حاجات جديدة

وحكايات

بس الأكيد إنها مش حلوة زي حكاياتك

 

الوسوم