صباح الخير يا مصر

صباح الخير يا مصر

شعر: صبره سالم صبره

رئيس نادي أدب البداري

صباح الخير يا مصر

صباح الخير يا ولادة

يا فارشة إديكي سجادة

أدان الفجر كالعادة

بيتونس بصلواتك

يا صوامة.. يا عبادة

يا ست الكل وزيادة

تعالي يامه صحينا

أنا وأخواتي لمينا

خدتنا الغربة تعبنا

لاعاد في حين بيساعنا

ولا عاد فرح بيجينا

يا حضن العيلة واللمة

وأرض بتطرح الضلة

ونور لشمس في الضلمة

تشوف بيها عشان تطلع

بخاف يا مه… أخاف يامه

ليوم تروحي في النومة

تنام الشمس ما تطلع

الوسوم