فوازير رمضان (26)

فوازير رمضان (26) فؤاد حداد

مش الحمار طبعا

 

ويقول شيخ رمضان   أنا عقلي ارتضى
أسهّل فوازيري   والناس مرمّضة
أبو سنّتين لبرّه   للشمس معرّضه
له فكّ و فكّ تانى   على البرسيم قضى
طول النهار فوقاني   تحتاتى قرقضه
ودانه مستطيله   وراسه مخفّضه
و تلاقي بسرّ قلبه   رجليه مفضفضه
ساعة ما يخاف يا عينى   ويرمح فى الفضا
من فعل الملوخيّه   فى الصيف اللى مضى

فؤاد حداد- فوازير الشيخ رمضان- الهيئة العامة لقصور الثقافة- 2011

الوسوم