فوازير رمضان (23)

فوازير رمضان (23) فؤاد حداد

 زيادة الخير 

ويقول شيخ رمضان  إن فاتنى فى الفطور
ما فيش أطيب وأبرك  فى ساعة السحور
من زين أول حروفه  الزين تقول أزور
وفى آخر حروفه  الدال تقول أدور
أقول له زور و دور  وخشّ دور و دور
بالفرحة والسعادة  والبهجه والسرور
دا قشطة ودا خميرة  دا بدر من البدور
دا الخير ودا الزيادة  أبيض و كلّه نور
سلطان فى السلطانيّة  أمير فى دى الأمور

فؤاد حداد- فوازير الشيخ رمضان- الهيئة العامة لقصور الثقافة 2011

الوسوم