فوازير رمضان (12)

فوازير رمضان (12) صلاح جاهين

قناع مخبي نص وش الهانم

في الأندلس بلد الربيع الدائم

تبعت بها إشارات يا حلاوتها

وتشمها تلاقيها صندل ناعم

مع الكبابجي تشم ريحة الشي

مع الدرة نسمتها تملا الحي

الدنيا كتمة تنطلق على طول

ترقص تقول يحرم عليها الطي

رأيت فراشة جناحها ده بيرتعش

منقوش بكل اللي يقدر يتنقش

وينكمش يصبح عديم الأثر

وينفرد احنا بقى ننتعش

 

صلاح جاهين-  فوازير للإذاعة- حاجات ومحتاجات- 1984-مجلد الفوازير- الهيئة العامة للكتاب 2011

الوسوم