غضب بين طلاب” تجارة إنجليزي” بأسيوط بعد رفع مصروفات الكارنيه لـ4800 جنيه

غضب بين طلاب” تجارة إنجليزي” بأسيوط بعد رفع مصروفات الكارنيه لـ4800 جنيه
كتب -

أسيوط – زهراء ثروت:

سيطرت حالة من الغضب والاستياء الشديدين علي طلاب كلية التجارة بجامعة أسيوط شعبة انجليزي، بعد رفع المجلس الأعلى للجامعات وإدارة الجامعة مصاريف الكارنية لـ 4800 جنيه بدلًا من 3500 جنيه، في ظل تدني الخدمات بالكلية.

“ولاد البلد” رصدت مشكلة الطلاب في التقرير التالي:

هسيب الكلية والتزم البيت

“انا بعمل جمعية بـ 3500 جنيه كل سنة علشان أدفع مصاريف الكارنيه وقربت أسيب الكلية واقعد في البيت” بهذه الكلمات بدأت ايمان حمدي، الطالبة بالفرقة الرابعة بكلية التجارة انجليزي بجامعة أسيوط، تسرد معانتها بعد زيادة مصاريف الكلية لهذا العام عن العام الماضي، وإنها في السنة الاخيرة، ورفع رسوم الكارنية، وسبب أن الكلية عليها مديونية من قبل الجامعة، مضيفةً أنه لو حكم الامر هتسيب الكلية والتزم البيت.

برنامج مش كلية

وتسائلة نجلاء عادل، بالفرقة الرابعة, عن سبب زيادة رسوم الكارنيه من 3500 جنيهًا الي 4800 أو5500 جنيه في السنه، علي الرغم من كلية تجارة انجليزي أسيوط، مجرد برنامج، في الوقت اللي بنقوم بتصوير الكتب من خارج الجامعة، والسكاشن بتبدأ في اخر شهر في السنة، ومفيش مكان نقعد فيه ولا دكتور بيشرح بضمير.

مفيش خدمات

وأضاف محمد السعدني، طالب بالفرقة الثالثة، قائلًا المفروض يوضحوا سبب زيادة المصروفات، احنا هنوافق علي زيادة المصروفات في حالة إننا نتعلم صح، ولما اتخرج اقول أنا خريج تجارة انجليزي أسيوط بفخر مقارنة بكليات الجامعات الآخري، ولكن في ظل تدني مستوي التعليم في الكلية أية الداعي يخليهم يرفعوا مصاريف الكلية وما المقابل.

اما هشام محروس، علق بسخرية قائلًا أنتم جايين ليه علي نفسكم كده مترفعوا المصاريف لـ 6 ألف علشان احنا مش بنحب الأعداد الفردية، مضيفًا حسبي الله ونعم الوكيل.

أقل مصروفات

أوضح الدكتور عبد السلام نوير، عميد كلية التجارة بجامعة أسيوط، ان المصروفات أرتفعت إلي 4800 جنيه بدلًا من 3500 جنيه، وأن ما تردد من إلي زيادة حول زيادة مصاريف الكارنية لـ5500 جنيه عاري تمامًا من الصحة مطالبًا الطلاب بعدم الانسياق وراء الشائعات.

وأضاف نوير أن هذه الزيادة تحت الدراسة والمناقشة وأن الزيادة جاءت من قبل المجلس الأعلي للجامعات، وأن القرار لم تنفرد به الكلية وحدها، مشيرًا إلى أن مصروفات كلية تجارة انجليزي أسيوط هي أرخص مصروفات علي مستوي جامعات مصر، ومن حق الطلاب المطالبة بخدمات اكثر مقابل الزيادة وهذا ما نحاول جاهدًا تنفيذه.