تعرّف على مواعيد فصل التيار الكهربائي من خلال تطبيق جديد للهواتف الذكية

تعرّف على مواعيد فصل التيار الكهربائي من خلال تطبيق جديد للهواتف الذكية
كتب -

أعلن جهاز مرفق الكهرباء وحماية المستهلك عن إطلاق خدمة للتنبيه المسبق بمواعيد قطع التيار الكهربائى، من خلال تطبيق “خد بالك” المتاح استخدامه من خلال الهواتف الذكية.

نشرت الصفحة الرسمية للجهاز على “فيسبوك” عددًا من الأسلئة بشأن الخدمة الجديدة منها:

-يعنى إيه خدمة التنبيه المسبق؟

خدمة مقدمة من جهاز مرفق الكهرباء وحماية المستهلك بالتعاون مع شركات توزيع الكهرباء وهدفها تنبيه الناس قبل انقطاع التيار الكهربائى.

-يا سلام وده ينفع؟

أيوا يا فندم وفى ناس بالفعل بيستفيدوا من الخدمة فى الوقت الحالى، ممكن حضرتك تشوف الخبر ده عشان تعرف أكتر.

-هيجيلى تنبيهات ازاى؟

حاليا حضرتك ممكن تستفيد من الخدمة عن طريق الموقع الرسمى للخدمة ww.egypterases.com  أو إنك تنزل تطبيق “خد بالك” عن طريق اللينك ده http://bit.ly/1CUmOmI على موبيلك والاتنين مجانا.

-كلام جميل، طيب الخبر بيقول إن الخدمة فى مدينة نصر بس، طيب بالنسبة للأماكن التانية إيه أخبارها؟

المرحلة الأولى ابتدينا فى منطقة مدينة نصر بالتعاون مع شركة شمال القاهرة، ودلوقتي بالتعاون مع شركة الإسكندرية لتوزيع الكهرباء قدرنا نغطي أكتر من منطقة (الإبراهيمية- الهانوفيل- خورشيد- البيطاش- باكوس- مرغم- سابا باشا- القباري)، لكن نسعى لتغطية المناطق الأخرى فى الجمهورية كلها.

تعرّف على طريقة تفعيل التطبيق على هاتفك من خلال هذا الفيديو