بالفيديو.. استياء في بني سويف بسبب جنون أسعار الياميش

بالفيديو.. استياء في بني سويف بسبب جنون أسعار الياميش
كتب -

:بني سويف – سارة سالم

:تصوير ــ هادي سيد

سادت حالة من الاستياء والغضب بين المواطنين ببني سويف، بعد ارتفاع أسعار ياميش رمضان هذا العام مقارنة بالعام الماضي.

 تقول صفية سيد، صاحبة محل: ياميش رمضان غالي جدًا، أغلي من العام الماضي بكتير، حتي البلح الذي يعتبر من أساسيات المنزل في رمضان غالي، وأسعار الياميش ليس في متناول الأسر الفقيرة.

ويضيف محمد سيد، بائع متجول، الياميش سعره مرتفع جدًا، أنا نزلت السوق عشان أشوف الأسعار لقيتها غالية جدا، ومجبتش حاجة، وعلق: حرام الأسعار دي علي الناس الغلابة.

ويشير مجدي أحمد، صاحب ورشة تنجيد، إلى أن سعر البلح من 10 إلى 20 جنيهًا، قائلًا: أنا هجيب الطلبات اللي علي قدنا، لكن الكاجو الكيلو جرام الواحد بـ128 جنيًهًا، مين ده اللي هيروح يجيبه.

ويرى عادل إمام جاهد، تاجر، الياميش غالي بطريقه لا تتصور، كل حاجة غاليه، مفيش حاجه رخيصة نهائيا، أرخص حاجه البلح، اللي كان بيأخد الياميش بـ 500 جنيه، هيشتريه السنة دي بنفس السعر بس كمية أقل بكثير

ويضيف عماد حته، تاجر، ارتفاع الأسعار زائدة بنسبة 40%، والإقبال ضعيف جدا، بسبب زيادة الاسعار، لان الناس مش هتشتري بالأسعار الغالية دي