فوازير رمضان (24)

فوازير رمضان (24) فؤاد حداد

عنوانها الميّه

 

ويقول شيخ رمضان   في الميّة المنعشة
كانت فزورتي عايمي   نغاشيشها منغنشة
وبدال قصب وترتر   بفلوس مدندشة
راسها دايره بمثلث   و فى ديلها كشكشة
كانت فزورتى عايمه   فى غاية الفرفشة
لكن شمّت هوانا   صابتها الرعرشة
طلعت من مية باردة   في زيت سخن مطرطشة
كان شيء ياكل في بعضه   و مات اللى اختشى
أكلته في فطاري   و ولادي على العشا

فؤاد حداد- فوازير الشيخ رمضان- الهيئة العامة لقصور الثقافة 2011

 

الوسوم