أمين شرطة يعتدي على عضو بحزب الدستور بسب كتاب لمصطفى محمود وصور لحمدين

أمين شرطة يعتدي على عضو بحزب الدستور بسب كتاب لمصطفى محمود وصور لحمدين
كتب -

بورسعيد – محمد الحلواني:

“خد يابرنس ألركنه هنا ممنوعة ” هذه كلمات أمين الشرطة المتواجد لحماية منزل مدير أمن بورسعيد والذي أعتدي على طارق راشد عضو حزب الدستور ببورسعيد

قال طارق أنه كان متواجد بالقرب من منزل الخاص بمدير أمن بورسعيد بشارع ممفيس وذلك أثناء تواجده لحضور كورس بهذة المنطقة ، موضحا أن امين الشرطة قالت له يا بيه انا سبت وتلات عندى كورس هنا وبركن فى نفس المكان زى كل العربيات اللى راكنه دى وبمنتهى الود والحب  وماتخفش ياعم والله مافيها قنبله

وأضاف أن رد أمين الشرطة كان دى استراحة مدير الامن وماحدش بيركن هنا الا اللى نعرفهم .بس ايه ده اللى فى ايدك ده انت بتذاكر فى اسرائيل  ، يا بيه ده كتاب للدكتور مصطفى محمود ورقم الايداع بتاعه اهو

وتابع طارق قائلا أن أمين الشرطة قال له انت شكلك كدا يثير الشبهات افتحلى الشنطه دى يا بيه دى شنطة فيها اللاب توب بتاعى اتفضل فتح طب افتحلى كمان العربيه وأضاف أنه قام بتفتيش العربة وعثر على صور لحمدين صباحي والذى قال له “اوبا” صور لحمدين انت كمان تبع حمدين طب تعالى معانا بقى يا حلو بتذاكر فى نجمة اسرائيل وشايل صور حمدين

 

وأستكمل طارق قائلا أنه رفض الذهاب معه الى قسم الشرطة وذلك  لكشف علية، موضحا أنه قال له  انت مش شوفت البطاقه وفتشت العربيه والشنطه بتاعتى عايز ايه تانى بس هو انا شكلى بلطجى ولا حاجه

وتابع ان من بعد ذلك تم الاعتداء علي وتم اخذ الهاتف المحمول الخاصي ثم توجهنا الى قسم الشرطة والذى قام القسم بعمل محضر ضدي بالتعدى على السلطات

وقال طارق انه لولا أنه قام بعمل محضر هو كان هو هيمارس حياته الطبيعيه عادى جدا وانا هاخد اربعه استمرار فى 15 الى ان يفصل القضاء “الشامخ” فى الموضوع وده كلام المحامين اللى مشكورين ماسبونيش لحظه واحده ومالقتش حل غير انى اوافق على مزكرة صلح لان لو كملت مش حاخد حق يمكن اخد على دماغى اكتر وفوضت امرى لله ومشيت

وأنهي كلامه قائلا وانا بسال نفسى سؤال لحد امتى حاتفضل بلدنا كدا مافيش حريات ولا حقوق انسان ولا حفظ كرامه لاى حد واصغر امين شرطه بيطبق فيلم هى فوضى فى حياته بالقانون ومش حتاخد حقك وتنام مقهور بالقانون وتضرب وتتهان بالقانون وممكن تتسجن سنتين تلاته خمسه ظلم بالقانون وممكن بردو تتقتل بالقانون لمجرد ان شكلك ماعجبش امين شرطه او ظابط ممكن حياتك تتدمر بالقانون